علمتني الغربة

موضوع: علمتني الغربة الإثنين أغسطس 31, 2009 4:08 pm

علمتني الغربه
علمتني الغربة ان انظرالي الورد كلما ضاقت نفسي ولكنها في نفس الوقت علمتني ان ابتعد عنه------
علمتني الغربه وفهمتني تلك القصه التي كانت تحكيها لي امي وانا طفلة عن الصداقه فادركت ان
للصداقه حدود ابعد بكثير من مجرد كلمات تقال---
علمتني الغربه اننا نملك اشياء كتيرة لكننا لا ندرك قيمتها

علمتني الغربه ان اكتم المي بداخلي وان كانت ستفضحه عيوني فلعل الانسان الدي المني في تللك
اللحضه ليس هو الانسان(الدي عرفته منذ سنين)
علمتني الغربه معني اني عراقي
فان الغربه في كل حرف منها حرق قلب مشتاق وحنين-والم-وعداب
الغربه كربه كما يقال ولكن فيها يتعلم الانسان المحال
(ويقدر قيمة ارضه--
علمتني الغربه ان تحس بانك وحيد في وسط الكل فيه يرغبك ولكن لمصلحته
كل هدا لايساوي دمعة عين من امي لفراقي
والغربه لاتزول الابالعوده الي الوطن(عراق الخير والعطاء)[img:18a7]http://www.zuwara.com/forum/images/smilies/79[1].gif[/img:18a7]
والسلام عليكم ورحمة الله وبركاته

شكرا حبي موضوع كلش حلو ان شاء الله اكون يمج ولا اعود للوطن
او نتبادل الاماكن لأن وطنا صار غير صالح للأستعمال

شكرا زهرة

بس صدكيني غربة الروح اقسى من غربة الجسد
يعني تكونين بـ (الوطن ) وتحسين نفسج غريبة

واذا تردين ترجعين للعراق اني ما اخليج لأن العراق مضر بالصحة

أن شاء الله ترجعون للعراق
بس و لو اني رأيي من رأي الخبيرة بالشؤون الاستراتيجية ست صفا
العراق من صدك مضر بالصحة اكثر من الجكاير ههههههههههه
شكو عليكم كاعدين بمكان حلو و هاي
شعدكم على الكأبة

والله ياستاذ يابن ماجد انت مامجرب الغربة

عود من تجرب احجي ههههههههههههههه

وترى بس اني القربت شكتلبت دير بالك تعرف ياسمين والله تجيك ركض للعراق

وتعرف شراح تسوي بيك .....بدون ماكلك؟

ههههههههههه شتسوي ؟؟
تنتحر بية ؟؟
عادي الله يذبها بالنار هههههههههه
يمعودة عادي اصبروا فان الله مع الصابرين ههههههههه
اني همين قريبا راح اطلع من العراق و اخلص ههههههه

اي بخت كلها راح تطلع من العراق بس اني لازكة هنا ههههههههه

بلادي بلادي بلادي
لا لك حبي ولا ودادي
هههههههه
لا لا اتشاقة
ان شاء الله زهرة ترجعين وتخلصين
من المغرب ودوختهه

لالالا
زهرة أن شاء الله تبقين بالمغرب
و تخلصين من دوخة العراق و مشاكله
ميس لا تطلعين أشاعات مغرضة على العراق

لالالالا ليش منو كال اني كايلة
العراق حلو وبي خير
بس تدري شنو احنا راح نتبادل
يعني نجيب زهرة وياسمين للعراق
ونروح اني وصفا للمغرب
اللهم احشرني مع المغتربين...كولو آمين
و اجعلني من اللاجئين...آمين
والهاربين من الوطن غير الراجعين آميـــــــــن
هسة اشمرو سبع حواجز كونكريتية وراية هههههههه

عدد المساهمات : 63 تاريخ التسجيل : 15/09/2009

هاي شنو ولكم

شنو هالحجي البايخ

اااااااخ لو توكعون بيدي...يا ريت لو كلكم تجون للمغرب

تجربون الغربه وهمومها...

اووووووووووووف هع

اي رجاءا لحد يكتب على العراق لان اتالم جدا رايت اجمل المناظر الطبيعية في مختلف البلدان ولكن لم اجد اجمل من العراق وبكل الاحوال شكرا على الموضوع الروعة

MR AMMAR

يا اخي الكريم احنا اسفين
ولكن مثل ميكولون وشر البلية ما يضحك
واحنا اكيد لأن ممجربين الغربة دنحجي بهالطريقة
بس يا اخي بلدنا تغيرو حياتنا من سيء الى اسوء
العراق دمر مستقبلنا احنا من دون العالم نرجع الى الورء
بلد الحظارات ..بلد الخيرات وشمحصلين
حتى الناس الطيبة بدت تختفي وهذا هو الواقع
يا اخي والله تعبنا من الكذب على نفسنا

زهرة وياسمين اتمنى تبقون محتفظين بالصورة القديمة عن العراق
لأن مع الاسف هذه الصورة صارت هسة نادرة وجداصعب نسخهه

اي والله صحيح

عدد المساهمات : 63 تاريخ التسجيل : 15/09/2009

MR AMMAR كتب:: اي رجاءا لحد يكتب على العراق لان اتالم جدا رايت اجمل المناظر الطبيعية في مختلف البلدان ولكن لم اجد اجمل من العراق وبكل الاحوال شكرا على الموضوع الروعة

حياك اخوي...كلامك ذهب وربي حتى لو يكللولي راح تموتين اول ما تنزلين بمطار بغداد ارجع واموت

مهما كان ومهما صار ماكو احلى من العراق...اسئل مجرب ولا تسئل طبيب

ميوسه حبيبتي امنيتي ما تجربين الغربه...اعيش ببلدي حتى لو مستقبل ضايع وحياة صعبه..بس على الاقل بوطنج مو مثل اذا جنتي ببلد انتي غريبه بيه..ذلة الوطن مو مثل ذلة الغربه...اذا انذليتي بوطنج على الاقل انذليتي بحضن ابو وامج العراق..مو تنذلين بالغربه..هي الغربه من اسمها ذله..نصيحه لا تجربيها...

طولت بالحجي هع هع

تحياتي

MR AMMAR

ههههههههههههه
ياسمين حديقة ... شوية كعدي راحة يا ام ستوري
مو من صدك راح اجي انتحر بيج

شكرا على الردود الجميلة والمشاعر الطيبة لكل الموجودين بس والله تعبت من الغربه والمشكله الرجوع صار اصعب كل اللي اكدر اكوله ( حس بي الله ونعم الوكيل ) وشكرا للجميع

MR AMMAR

الله كريم